بيجنګ 06 جون (اے پي پي) وزيراعظم محمد شهباز شريف پاکستان د خود انحصارۍ منزل ته رسولو او پرمختګ لپاره د چين ماډل څخه استفادې له د عزم څرګندونه كولو سره وئيلي دي پاكستان د معاشي اصلاحات په تګلاره عمل كوي٬ د بدعنوانۍ خاتمه، په بنيادي ډھانچه كښې بدلون او د برامدات ودې لپاره اقدامات كوو ٬ وخت راغلے چې د پاكستان او چين شراكتداري معاشي هدفونه سر كولو لپاره د نتيجې وړ كړو٬ سي پېك او په نورو منصوبو د كار كوٶنكو د چين وګړو فول پروف امنيت به باوري كولې شي۔ د دې خيالاتو څرګندونه ده په بيجنګ كښې د پاك چائنا فرينډشپ اينډ بزنس ريسپشن ته خپلې وېنا كښې وكړه۔ وزيراعظم ووئيل پال چائنا فرينډشپ اينډ بزنس ريسپشن دستورې ته وېنا زما لپاره درناوے دے٬ د پاكستان او چين د غېر مشروط دوستۍ اوږد سفر د شريك اعتماد او احترام په خپلولۍ قائم دے ، دا تل پاتې دوستي د پولو څخه بهر او س خلاګانو ته رسېدلې٬ په لنډه موده كښې د چين تېز رفتاره ترقي زمونږ لپاره د لارې مشال دے٬ ده ووئېل پاكستان د 24 كروړه آبادۍ هېواد دے، پاکستان سعودي عرب، يو اے اي، کوېت، ايران، افغانستان او نورو خليجي هېوادونو سره د ورورولۍ اړيكې لري خو د پاكستان او چين ترمېنځه دوستۍ او د ورورولۍ په نړۍ كښې مثال نه موندلے كېږي٬ دا دوستي ذاتي مفادات لپاره نه ده ٬ چين په سېلاب، زلزلو نورو قدرتي افتونو پشمول په هره سخته كښې د پاكستان ملګرتيا كړې او دا نه ختمېدونكې دوستي او تعلق دے۔ وزيراعظم ووئيل د دواړو هېوادونو دوستي بې لوثه او په هر ازمېښت پورا ده۔ وزيراعظم ووئيل ما په كال 1981 كښې په وړومبي ځل د چين دوره كړې وه او د چين د تعليم ،صحت ،زراعت او په نورو څانګو كښې مې د پرمختګ مشاهده كړې وه٬ چين په لږه موده كښې د ترقۍ منزلونه سر كړي، ده ووئېل تاسو عظيم هېواد جوړولو لپاره د نړۍ په وړاندې يو مثال جوړ كړے او صنعتونو او زراعت لپاره مو جديد ټيکنالوجي كارولې او د دې پرمختګ مشاهده مونږ نن كوٶ۔ ده ووئيل نن په كال 2024 كښې چين د نړۍ لوئي معاشي او پوځي قوت جوړ شوے٬ پاكستان د چين تجربو څخه ګټه پورته كوي، د چين پيداواري صلاحيت په ګرده نړۍ كښې مشهور دے٬ ده ووئېل چين يو سينټرلائزډ پلاننګ سسټم لري، د چين ترقي د ډېرې خوارۍ او كار سره د مينې په سبب ده، د چين نه غېر نړۍ نن يو قدم مخ په وړاندې نشي تلللې ٬ ده ووئېل نن د چين تجارت د كهربونو ډالره دے٬ چين د انفارميشن ټيکنالوجۍ او د مصنوعي زېركتيا پشمول هره څانګه كښې بشپړ پرمختګ كړے٬ چين د نړۍ دوېم غوره او مضبوط معيشت دے، د چين او پاکستان دا نننۍ دستوره فيملي يونين او يو فيملي اجتماع ده۔ ده ووئيل كه مونږ د چين د ستړو او مينې نه زده كړه وكړو او د چين په ماډل عمل وكړو نو پاكستان هم په نړۍ كښې د چينائي وروڼو غوندې لوئي مقام ترلاسه كولې شي، چين پخپلو ځوانانو٬ صحت او په تعليم سرمايه كاري كوي۔ وزيراعظم ووئيل پاکستان کاروبار دوست هېواد جوړولو ته پام لرنه كوو ۔ وزيراعظم ووئيل د چين صدر شي جن پنګ نه يواځې د چين اولس بلكې ګردې نړۍ ته د پرمختګ لاره ښودلې ٬ ھغوي يو وژنري شخصيت لري چا چې د شخړو او جنګونو نه يو خوا د سخت محنت د لارې د مخ په وړاندې تګ مثال قائم كړے، سي پېك او بي آر آئي د دې پرمختګ مثالونه دي او د چين د مصنوعاتو نن په نړۍ كښې ډيمانډ دے۔ ده ووئيل پاکستان به يو داسې بڼ /باغ جوړېګي چې خوشبوئي به ئې په ګرد هېواد كښې خپرېږي٬ د پرمختګ نه غېر په نړۍ كښې د عزت ګټلو بله لاره نشته۔ وزيراعظم ووئيل په اپرېل كښې په بشام كښې د چين په وركرز د بريد ناوړه پېښه رامخې ته شوې چې پكښې د ټي ټي پي د ترهګرو په كاروائۍ كښې پنځه اهلكار مړه شوي، دې پېښې ټول پاكستان جړقولې٬ مونږ د دې پېښې پشا په ناوړه عزائمو پوهېږو، ده ووئېل د دغې بريد منصوبه بندي د پاك چين دوستۍ او د سي پېك دښمنانانو كړې٬ د دې بزدلانه بريد په سختو ټكو غندنه كوٶ او په بريد كښې د مړو شوو چينائي وګړو او كورنيو سره غمرازي كوٶ، پاکستان ته د چين د وګړو سلامتيا د خپلو وروڼو خوئندو غوندې عزيز ده، ده ووئېل سي پېك او په نورو منصوبو د كار كوٶنكو د چين وګړو فول پروف امنيت به باوري كولې شي۔
وزيراعظم پاکستان د خود انحصارۍ منزل ته رسولو او پرمختګ لپاره د چين د ماډل څخه د استفادې عزم٬ سي پېك او په نورو منصوبو د كار كوٶنكو چينائي وګړو فول پروف امنيت به باوري كولې شي۔ وزيراعظم شهباز شريف
مضمون کا ماخذ : apostas quina
متعلقہ مضامین
