اسلام آباد ۔ یکم نومبر (اے پی پی) وفاقی وزیر منصوبہ بندی، ترقی ، اصلاحات تے شماریات مخدوم خسرو بختیار آکھیا جو سی پیک پاکستان دے معاشی ڈھانچے دا ہک اہم ستون اے،ایم ایل ون منصوبہ پاکستان ریلوے کوں جدید تقاضیاں نال ہم آہنگ کریسی،گوادایئرپورٹ تے کم دی رفتار تکھے کیتی ویسی،، 8 ویں جے سی سی اجلاس اچ خصوصی اقتصادی زونز تے کم دی رفتار تکھے کرنڑ تے توجہ ڈتی ویسی۔اے گالھیں انہاں پلاننگ کمیشن اچ وفاقی وزراءشیخ رشید احمد، عمر ایوب اتے معاون خصوصی اطلاعات ڈاکٹر فردوس عاشق اعوان دے رلے سانجھی پریس کانفرنس نال خطاب کریندیں ہوئیں آکھی۔انہاں آکھیا جو ایم ایل ون منصوبے اچ ڈوہیں پاسوں باڑ،فلائی اوورز اتے اوورانڈر پاسز شامل ہن۔
مضمون کا ماخذ : جیتنے والی لاٹری
