غذر۔6نومبر(اے پی پی) وزیراعظم محمد شہبازشریف متاثرین چھل سانڳے غذر دے بوبر ماڈل ویلج اچ ساریاں ضروری سہولتاں ݙیوݨ دی ہدایت کیتی اے ۔گلگت بلتستان دے ضلع غذر دی وستی بوبراچ 2022 دی چھل پاروں تباہ تھیوݨ آلی وستی دی جاہ نویں ماڈل ویلیج دے افتتاح تے متاثرین کوں نویں بݨیے گھراں دے ملکیتی کاغذات ݙیوݨ دی تقریب توں خطاب کریندے وزیراعظم آ??ھی?? او اگست 2022 اچ ا??ھا?? آئے ہن ج??ھا?? ہر پاسے چھل دے بعد تباہی دے منظر ہن ۔ موسمیاتی تبدیلیاں پاروں تباہ کن چھل تے مینھ پورے وستی کوں ڈھا ݙتا ہئی ۔ اڄ ا??ھا?? نویں وستی بݨائی ڳئی اے ۔ متاثرہ خانداناں کوں انھاں دے گھراں دے ملکیتی کاغذات ݙتے ڳئن ۔ وزیراعظم متاثرین دی بحالی ، آباد کاری تے تعمیر نو تے متعلقہ اداریں تے حکام کوں شاباش ݙتی تے ہدایت کیتی جو نویں بݨیے گھراں کوں سردیاں دے موسم اچ رہ دے قابل بݨاوݨ دا انتظام کیتا ونڄے ۔ ماڈل ویلج دے معیار کوں جانچݨ سانڳے کہیں تریجھے فریق توں توثیق کرائے بغیر ادائیگیاں نہ کیتیا?? ونڄن تے سکول، ڈسپنری تے کھیݙ دے میدان سودھے ساریاں ضروری سہولتاں ݙتیا?? ونڄن۔ وزیراعظم ڈسپنسری اچ الٹراسائونڈ ، ایکسرے تے زچگی سودھے ساریاں ضروری سہولتاں ݙیوݨ دی وی ہدایت کیتی ۔ وزیراعظم ݙسائے جو انھاں چھل توں متاثرہ ٻالڑی قندیل سانڳے 50 لکھ روپے دے انڈوومنٹ فنڈ دا اعلان کیتا ہئی ،اڄ او فنڈ 67 لکھ تئیں پڄ چکے ۔ وزیراعظم متاثرین کوں انھاں دے گھراں دے الاٹمنٹ لیٹرز ݙتے ۔ ایندے توں پہلے وزیراعظم بوبر ماڈل ویلج داافتتاح کیتا ۔ ایں موقع تے وزیراعظم کوں نویں بݨیے گھراں اچ ݙتیا?? ونڄݨ آلیاں سہولتاں تے معیار تے بریفنگ ݙتی ڳئی ۔ اے ماڈل ویلج 110 کنال زمین تے بݨایا ڳئے جیں اچ 62 گھرہن ۔ وزیراعظم کوں ݙسایا ڳئے جو 216 کلومیٹرگلگت شندور شاہراہ وی بݨائی ویندی پئی اے ۔ وزیراعظم ایں منصوبے تے کم دی رفتار تکھی کرݨ دی ہدایت کیتی۔ ایندے توں پہلے وزیراعلیٰ گلگت بلتستان حاجی دلبر خان اوکھے تے آزمائش ویلھے گلگت بلتستان دی عوام دی مدد کرݨ تے وزیراعظم محمد شہباز شریف تے وفاقی حکومت دا شکریہ اداکیتے۔ ایں موقع تے وفاقی وزرا اتے ارکان اسمبلی وی موجود ہن۔
