لاهور – 10 جنوري (اي پي پي) صدر ممنون حسين چيو آهي ته پاڪستان انسٽيٽيوٽ آف فيشن ڊيزائن مان وڏيون اميدون آهن، هي ادارو ملڪي مصنوعات ۾ تخليقي انداز ۾ ويليو ايڊيشن ڪري روانگي واپار ۽ ملڪ جي وقار ۾ اضافي جو ذريعو بڻجي سگهي ٿو. هن اها ڳالهه لاهور ۾ پاڪستان انسٽيٽيوٽ آف فيشن ڊيزائن جي سينيٽ اجلاس کي خطاب ڪندي چئي. صدر ان موقعي تي چيو ته پاڪستاني مصنوعات کي عالمي معيار تي آڻڻ جي لاءِ تخليقي انداز اختيار ڪرڻ جي ضرورت آهي. ان سلسلي ۾ پي آءِ ايف ڊي قابل قدر ڪردار ادا ڪري سگهي ٿو. هن اميد ظاهر ڪئي ته پاڪستان جو هي قومي ادارو صنعتي شعبي ۾ جدت پيدا ڪري ان جي ترقي جو ذريعو بڻجندو.
مضمون کا ماخذ : فنکی پھل
