اسلام آباد – 28 اپريل (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته وزيراعظم عمران خان پهريون ليڊر آهي جيڪو قومي ۽ عوامي مفادن جي ڳالهه ڪري رهيو آهي، وزيراعظم 22 ڪروڙ پاڪستانين جو ڪيس وڙهڻ لاءِ چائنا ۾ مصروف آهي، وزيراعظم پاڪستان جي قومي مفادن جي نظريي جي تشهير ڪري رهيو آهي، چين سان فري ٽريڊ ايگريمينٽ ان جو واضح مثال آهي، ڀينرون وڏيون هونديون آهن، سڀني کي گڏ ڪنديون آهن، اها ذميواري نڀائينديس، عمران خان جي ٽيم ۾ سڀني کي کيڏڻو آهي، ڪپتان فيصلو ڪندو آهي ته ڪنهن کي ڪهڙي پوزيشن تي کيڏڻو آهي، ايندڙ وقت ۾ عمران خان جي ٽيم هر پوزيشن تي کيڏندي. اهڙن خيالن جو اظهار هن سرائي عالمگير ۽ گجرات پهچڻ تي صحافين سان ڳالهائيندي ڪيو.
مضمون کا ماخذ : بولو دا میگا سینا
