اسلام آباد – 10 جولاءِ (اي پي پي) وفاقي ڪابينا جي ميمبرن پاناما دستاويز ڪيس ۾ گڏيل جاچ ٽيم (جي آءِ ٽي) جي رپورٽ کي عمران نامو قرار ڏيندي رد ڪري ڇڏيو آهي، وفاقي وزيرن واضح ڪيو آهي ته اسان ڀرپور عدالتي جنگ وڙهندي جي آءِ ٽي جي رپورٽ جي سمورن نقطن کي بي نقاب ڪري انهن کي ملياميٽ ڪنداسين، جي آءِ ٽي رپورٽ ۾ سورس رپورٽ ۽ ڊرافٽس جو سهارو ورتو ويو جنهن جي ڪا قانوني حيثيت نه آهي. اهڙن خيالن جو اظهار وفاقي وزير احسن اقبال، خواجه آصف، شاهد خاقان عباسي ۽ وزيراعظم جي خصوصي معاون بيريسٽر ظفرالله گڏيل پريس ڪانفرنس کي خطاب ڪندي ڪيو. منصوبابندي، ترقي ۽ سڌارن واري وفاقي وزير احسن اقبال چيو ته جي آءِ ٽي جي سپريم ڪورٽ ۾ پيش پيش ڪيل رپورٽ سامهون اچي وئي آهي، رپورٽ ۽ ان جا نقطا اسان جي لاءِ، قوم جي لاءِ ۽ ميڊيا جي لاءِ نوان نه آهن، اها جي آءِ ٽي جي رپورٽ انهن الزامن جو تسلسل آهي جيڪي گذريل ڪيترن ئي سالن کان عمران خان سياسي الزامن ۾ هڻندو آيو آهي، سياسي مخالفن جي الزامن جو ڪلام رپورٽ جي شڪل ۾ پيش ڪيو ويو آهي.
وفاقي ڪابينا جي ميمبرن پاران پاناما دستاويز ڪيس ۾ جي آءِ ٽي جي رپورٽ رد
مضمون کا ماخذ : ڈاگ ہاؤس
متعلقہ مضامین
