اسلام آباد۔11جون (اے پی پی) وزیراعظم شهباز شریف وفاقي كابينه د چين خپلې اوسنۍ دورې په اړه په اعتماد كښې اغستو سره وئيلي دي د دورې په مهال د سي پېك په دويم پړاؤ مثبت خبرې وشوې٬ پاك چين همكارۍ ته وده وركولو له به ډېر زر د چين د اعلی كچ پلاوې د پاكستان دوره وكړي۔ د وزيراعظم آفس ميډيا ونګ لخوا د جاري شوي بيان له مخې د وزيراعظم شهباز شريف په مشرۍ كښې د وفاقي كابينې غونډه د نهې په ورځ وشوه۔ وزيراعظم غونډه د چين خپلې اوسنۍ دورې په اړه په اعتماد كښې اغستو سره ووئيل د چين دورې په مهال په شینزن كښې مپاکستان-چین بزنس فورم كښې پاکستانو او د چین كاروباري شخصياتو سره يو شمېر بي ټو بي ملاقاتونه وشول٬ د چين د كركيلې څانګه كښې جدت او پرمختګ څخه استفاده كولو له به د پاكستان حكومت يو زر ځوانان په دې څانګه كښې پېشه وره تربيې له چين ته لېږي او نوموړې چينائي كمپني هواوے به هر كال دوه لكه پاكستانو ځوانانو ته د آئي ټي په بېلو څانګو كښې فني او پېشه وره تربيه وركوي۔ وزیراعظم كابينه د چين صدر شي جن پنګ او وزيراعظم لي چيانګ په شمول اعلی مشرتابه سره د ملاقاتونو او په دغه مهال په دوه اړخيزه اړيكو ٬ اقتصادي او ستراتيجيكي همكارۍ كښې د شوي مثبت پېشرفت په اړه خبر كړه۔ د بيان له مخې وفاقي کابینې د اسټېبلشمنټ ډویژن په سپارښتنه د نېشنل سکول فار پبلک پالېسي (اېن اېس پی پی ) بورډ آف ګورنر كښې نجی او تعلیمی څانګې څخه د غړو د تعيناتۍ منظوري وركړه۔ وفاقی کابینې د بشري حقونو د وزارت په سپارښتنه اسلام آباد لپاره د نېشنل کمیشن فار هیومین رائیټس(اېن سی اېچ آر) د ممبرز تعيناتولو عمل پېل كولو او ده سر ته رسولو له د كابينه كمېټۍ جوړولو منظوري وركړه۔ وفاقي كابينې د آئي ټي وزارت په سپارښتنه د ډیجیټل نېشن پاکستان اېکټ 2024 اصولي منظوري وركولو سره د قانون او انصاف وزارت ته يو وارې بيا د نظر ثانې هدايت وكړو۔ د اېکټ له مخې به نېشنل ډیجیټل کمېشن (اېن ډی سی) او پاکستان ډیجیټل اتھارټی (پي ډی اے) تشكيل كړے شي۔ د اېكټ له مخې به د پاکستان معیشت د ډیجیټائزېشن او پېپر لېس ګورننس هدف سر كړے شي۔ د بل له مخې به نېشنل ډیجیټل کمېشن پالیسی جوړؤنكې اداره شي كومه به چې په وفاقي او صوبائي غړو مشتمله وي او د دې مشري به وزيراعظم په خپله كوي۔ د ډیجیټل پاکستان مقاصد ترلاسه كولو له به پاکستان ډیجیټل اتھارټی جوړه كړې شي كومه به چې يوه كارپورېټ اداره وي او كومه به چې مالي او انتظامي اختيارات لري۔ د اېكټ مقصد د پاكستان معيشت ٬ ګورننس او سروسز سېکټر په نړيواله كچه د روان عصري ډیجیټل نظام سره سمول دي۔ دغسې وفاقي كابينې د قانون او انصاف وزارت په سپارښتنه د ثالثی قانون(دی آربیټریشن بل 2024) په مسوده د ضروري قانون سازۍ اصولي منظوري هم وركړه۔ کابینې په دې لړ كښې د آئين د شق 144 لاندې صوبو سره د مشاورت هم منظوري وركړه۔ وفاقی کابینې د قانون او انصاف وزارت په سپارښتنه د قومي احتساب بېورو او د سري لنكا د کمېشن ټو انویسټی ګېټ ایلی ګېشنز آف برائبری / کرپشن (سی آئی اے بی او سی) ترمينځه د مفاهمتي يادښت لاس ليك كولو منظوري هم وركړه د دې مفاهمتي يادښت لاندې به د دولت مشتركه د غړو په حېث د دواړو هېوادونو ترمينځه د رشوت او د رقوم غېر قانوني ترسيل ختمولو له مرستې ته وده ترلاسه شي۔ د بيان له مخې وفاقي كابينې د سركاري ملكيتي ادارو په اړه د كابينې كمېټۍ د 13 او20 مئی2024 غونډو كښې د شوو پرېكړو او د اقتصادي رابطه كمېټۍ د 23 او27 مئی 2024 غونډه كښې د شوو پرېكړو سره وفاقي كابينې لیجسلیټو کېسز لپاره د كابينه كمېټۍ د 5جون 2024 په غونډه كښې د شوو پرېكړو هم توثيق وكړو۔
پاك چين همكارۍ ته وده وركولو له به ډېر زر د چين پلاوې د پاكستان دوره وكړي٬ وزيراعظم شهباز شريف
مضمون کا ماخذ : números quina hoje
متعلقہ مضامین
