اسلام آباد – 26 اپريل (اي پي پي) اطلاعات ۽ نشريات واري وفاقي وزير چوڌري فواد حسين سان پاڪستان ۾ سعودي عرب جي سفير نواف بن سعيد المالڪي ملاقات ڪئي ۽ ميڊيا معاملن بابت سعودي وزير ڊاڪٽر مجيد بن عبدالله الڪسابي طرفان سعودي عرب جي دوري جو دعوت نامو ڏنو. پنهنجي دعوت نامي ۾ ميڊيا بابت سعودي وزير اطلاعات ۽ نشريات واري وزير چوڌري فواد حسين لاءِ رمضان مهيني ۾ سعودي عرب جو دورو، عمري جي ادائيگي، مديني منوره ۾ مسجد نبويﷺ جي زيارت جي خواهش جو اظهار ڪندي چيو ته اهو دورو ٻنهي ملڪن جي وچ ۾ ميڊيا تعاون کي مستحڪم بڻائڻ جي طريقن ۽ ذريعن تي خيالن جي ڏي وٺ جو به موقعو فراهم ڪندو.
مضمون کا ماخذ : کڑک
