اسلام آباد 21 اکتوبر (اے پي پي) قامي اسمبلۍ كښې د هند په غېر قانوني تسلط لاندې جمو و كشمير كښې د بشري حقونو د خلاف ورزو غندنې له قرارداد په يوه خله منظورولو سره د كشميري اولس د آزادۍ هلو ځلو او د خپلواكۍ حق لپاره د سياسي٬ سفارتي او اخلاقي ملاتړ جاري ساتلو د عزم پخلے شوے۔ د جمعې په ورځ قامي اسمبلۍ كښې مولانا عبدالاکبر چترالي په دې لړ كښې قرارداد وړاندې كړو كوم چې ايوان منظور كړو ۔ د قرارداد په متن كښې وئيلي شوي دا ايوان د 27 اکتوبركال 1947 كښې د هند غېر قانوني قبضه كړي جمو و كشمير تورې ورځې په ياد كښې د هندي ځواكونو لخوا په مقبوضه كشمير كښې د جاري رياستي ترهګرۍ او د نړيوال قوانين د ښكاره خلاف ورزو غندنه كوي۔ دا ايوان د هند د وسله والو ځواكونو لخوا په مقبوضه كشمير كښې د 96 زره نه د زياتو بې ګناه كشميريانو د شهيدولو هم غندنه كوي۔ دغسې دا ايوان د هندي دستور آرټيکل 35 الف او 370 كښې د بدلون د لارې د مقبوضه جمو او کشمير غېر قانوني الحاق مسترد كولو سره د ملګرو ملتونو د قراردادونو په ضد په جمو و كشمير كښې د آبادۍ تناسب بدلولو د هڅو هم په سختو ټكو غندنه كوي٬ دا ايوان نړيوالې ورورولۍ ته اپيل كوي چې ھغوي كمېشن آف انكوائري جوړ كړي او په مقبوضه کشمير كښې د بشري حقونو د سنګينو خلاف ورزو نوټس واخلي ۔ دا ايوان د خپلواكۍ حق لپاره د كشميريانو د عزم او هلو ځلو تجديد او توثيق كوي او د دې خبرې پخلے كوي چې پاكستان به د كشميريانو اخلاقي٬ سفارتي او سياسي ملاتړ روان ساتي
قامي اسمبلۍ كښې د هند په غېر قانوني تسلط لاندې جمو و كشمير كښې د بشري حقونو د خلاف ورزو غندنې له قرارداد منظور شو
مضمون کا ماخذ : لاٹری جیتنے کے نمبر
متعلقہ مضامین
