اسلام آباد – 06 مئي (اي پي پي) وزيراعظم محمد نواز شريف چيو آهي ته منصوبن جي معيار تي ڪو به ٺاهه نه ڪنداسين، اسان جي منصوبن تي تنقيد ڪندڙن کي الله تعاليٰ هدايت ڏي، اسان منصوبن کي وقت سر مڪمل ڪرڻ کي يقيني بڻايو آهي ماضي ۾ منصوبن ۾ غيرضروري دير ٿي آهي خبر نه آهي ته اسان جي سسٽم ۽ کاتن کي ڇا ٿي ويو آهي ته ٻن سالن ۾ مڪمل ٿيندڙ منصوبن تي 20، 20 سال لڳي وڃن ٿا. نيو اسلام آباد ايئرپورٽ تائين ميٽرو بس منصوبي جي پيڙهه جو پٿر رکڻ جي موقعي تي صحافين سان ڳالهائيندي وزيراعظم محمد نواز شريف چيو ته اسلام آباد کان نيو اسلام آباد ايئرپورٽ تائين نئون هاءِ وي ٺهي رهيو آهي جنهن ۾ ميٽرو بس پڻ هلندي، شروعاتي طور تي ان منصوبي ۾ ميٽرو بس شامل نه هئي ٻه مهينا اڳ ميٽرو بس منصوبو ان ۾ شامل ڪيو ويو آهي، جن ماڻهن وٽ سفري سهولت يا گاڏي نه آهي ته اهي ان تي سفر ڪري سگهندا. اسلام آباد ۾ ميٽرو بس موجود آهي.
منصوبن جي معيار تي ڪو به ٺاهه نه ڪنداسين: وزيراعظم
مضمون کا ماخذ : گونزو کی تلاش
متعلقہ مضامین
