اسلام آباد – 18 آڪٽوبر (اي پي پي) اطلاعات ۽ نشريات واري وفاقي وزير پرويز رشيد چيو آهي ته قانون واري وفاقي وزير زاهد حامد جي سربراهي ۾ قانوني معاملا اڪلائڻ بابت وفاقي ڪابينا جي اسٽينڊنگ ڪميٽي 30 سيپٽمبر تي ڄاڻ تائين رسائي جي حق جي تجويز ڪيل بل جي منظوري ڏئي ڇڏي آهي، تجويز ڪيل بل منظوري لاءِ وفاقي ڪابينا جي اجلاس ۾ پيش ڪيو ويندو، اطلاع تائين رسائي جي موجوده قانونن ۽ وفاقي سطح تي قانونسازي جي ضرورت جي موضوع تي هتي هڪ سيمينار کي خطاب ڪري رهيو هو. هن چيو ته اطلاع تائين پهچ جي بل تي عملدرآمد عوام جو مطالبو آهي ۽ حڪومت ان سلسلي ۾ پنهنجي ذميداري پوري ڪندي. وفاقي وزير چيو ته ڪابينا جي منظوري کانپوءِ هي بل پارليامينٽ ۾ پيش ڪيو ويندو ڇو ته تجويز ڪيل بل کي اتفاق راءِ سان حتمي شڪل ڏني ويندي ۽ ان بل کي قانون ٺهڻ ۾ وڌيڪ دير نه لڳندي
مضمون کا ماخذ : نتیجہ ڈوپلا سینا
