اسلام آباد۔17جولائی(اے پی پی) وزيراعظم شهباز شريف آئي اېم اېف سره د لوظنامې په لړ كښې د پاكستان په ملاتړ كولو د سري لنكا د صدر مننه كولو سره هيله څرګنده كړه چې پاكستان او سري لنكا به ډېر زر له اوسنيو اقتصادي ستونزو څخه بهر راووځي۔ د ګل په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم شهباز شريف د سري لنكا صدر رانيل وكرما سنګهے سره ټېلېفوني تماس ونيولو۔ وزيراعظم آئي اېم اېف سره د لوظنامې په لړ كښې د پاكستان په ملاتړ كولو د سري لنكا صدر مننه وكړه۔وزيراعظم ووئيل چې تاسو د پاكستان د ملګري او خواخوږي كردار ادا كړے او زه په دې د پاكستان د اولس د اړخه ستاسو مننه كوم۔ ده ووئيل پاكستان او سري لنكا نزدې باوري ملګري دي٬ سيمه ايز پرمختګ او امن لپاره د سري لنكا كردار د ستائنې وړ دے۔ ده ووئيل هيله ده چې پاكستان او سري لنكا به ډېر زر له اوسنيو اقتصادي ستونزو څخه بهر راووځي۔د سري لنكا اولس مشر رانيل وكرما سنګهے د وزيراعظم د نېكو هيلو مننه وكړه او ده لپاره د خېر خواښۍ څرګندونه وكړه۔ ده ووئيل پاكستان زمونږ ملګرے هېواد دے او د ملګرو مرسته كول صحيح ملګرتيا ده۔ د سري لنكا صدر په سختو حالاتو كښې د وزيراعظم د هڅو ستائنه وكړه۔ ده آئي اېم اېف سره د لوظنامې په ترسره كېدو وزيراعظم ته مباركي وركړه۔ دا خبره دې ښكاره وي چې د وزيراعظم د آئي اېم اېف اېم ډي كرسټلينا جورجيوا سره د ملاقات په مهال د سري لنكا صدر په آئي اېم اېف زور راوړے وو چې هغه دې د پاكستان مرسته وكړي۔ د سري لنكا صدر اېم ډي ته وئيلي وو چې د دېواليه كېدو دلاسه سري لنكا زياتو ستونزو سره مخ پاتې شوه٬ پاكستان بايد دې صورتحال څخه وساتلے شي۔
پاكستان او سري لنكا به ډېر زر د معاشي ستونزو دلدل څخه راووځي٬ د وزيراعظم شهباز شريف د سري لنكا صدر رائيل وكرما سنګهے سره ټيليفوني خبرې
مضمون کا ماخذ : números da sorte loteria
متعلقہ مضامین
.jpg)
