راولپنڊي – 30 جولاءِ (اي پي پي) پاڪ فوج جي اڳوڻن فوجي اهلڪارن کي بغاوت تي ڀڙڪائڻ جي الزام ۾ ليفٽيننٽ ڪرنل (رٽائرڊ) اڪبر حسين کي ڪورٽ مارشل تحت 14 سال قيد جي سزا ٻڌائي وئي آهي. فاضل عدالت ليفٽيننٽ ڪرنل (رٽائرڊ) اڪبر حسين کي ڏوهه ثابت ٿيڻ تي سزا ٻڌائي ۽ سندس رينڪ به ضبط ڪئي آهي. آءِ ايس پي آر مطابق ليفٽيننٽ ڪرنل (ر) اڪبر حسين کي فيلڊ جنرل ڪورٽ مارشل تحت اڳوڻن فوجي اهلڪارن کي بغاوت تي ڀڙڪائڻ جي الزام ۾ سزا ٻڌائي وئي. ان کان پهرين ميجر (رٽائرڊ) عادل فاروق راجه، ڪيپٽن رٽائرڊ حيدر رضا مهدي کي به بغاوت تي سزائون ٻڌايون ويون آهن. فاضل عدالت 7 ۽ 9 آڪٽوبر 2023ع تي عادل فاروق راجه ۽ حيدر رضا مهدي کي سزائون ٻڌايون هيون
مضمون کا ماخذ : سانتا کی جنگلی سواری۔
