اسلام آباد۔9 اکتوبر(اے پی پی) نګران وزيراعظم انوار الحق كاكړ د ګورننس سټركچر ٬ سياست او معيشت په شمول په مهمو قامي چارو د ديانتداره قامي خبرو اترو په حاجت زور راوړلو سره وئيلي دي سوكاله ټولنه جوړولو له د قامي ډائيلاګ په اړه پارليمان د لارښوونې كردار ترسره كولې شي٬ په ګرانۍ قابو موندلو له وفاق صوبو سره په ګډه ګامونه پورته كولي او د دې مثبتې نتيجې رامخې ته كېدل پېل شوي ٬ د پاكستان د روښانه سباؤن هيله لرؤ۔ ده دا خبره تېره شپه ډیجیټل میډیا پلېټ فارم ’’ټاک شاک ‘‘ سره خبره مركه كښې وكړه۔ نګران وزیراعظم انوار الحق کاکړ د داخله او خارجه چارو او د فلسطين ٬ كشمير شخړې په شمول په مهمو چارو رڼا واچوله۔ د يوې پوښتنې په ځواب كښې وزيراعظم ووئيل پاکستان دا مهال معاشي ٬ سياسي او نورو چېلنجونو سره مخ دے له دې كبله د يو قام په حېث به مونږ ټولو له خپل كردار ترسره كول وي۔ ده په دې خبره زور راوړو چې د ګورننس سټركچر ٬ سياسي رويې ٬ مذهب او سياست ٬ معيشت او سياست او د عدليه نظام پشمول په نورو مهمو چارو ديانتداره ډائيلاګ ته اړتيا ده په دې لړ كښې پارليمان د لارښودنې كردار ترسره كولې شي۔ ده هيله ښكاره كړه چې راروان پارليمان به په دې كار وكړي۔ د ګرانۍ په اړه د يوې پوښتنې په ځواب كښې ده ووئيل مونږ له به د دې اسباب لټول وي۔ ده ووئيل دلته د غنمو په شمول هر قسم غله ښه ډېره ده خو مونږ ته پېښه مسئله د ذخيره اندوزۍ ده۔ د دغې په ضد چې مو كارروائي پېل كړه نو د چينو بيعه ټيټه شوه٬ ده ووئيل دا كار د ضلعي حكومتونو دے خو بياهم وفاق صوبو سره په ګډه اقدامات كوي او د دې مثبتې نتيجې رامخې ته كېدل پېل شوي۔ ده ووئيل هيله ده چې خصوصی سرمایه کاری سهولت کونسل پلېټ فارم سره به د سعودی عربستان او متحدہ امارات په شمول ګردې نړۍ څخه د معدنیات او آئی ټی په شمول نورو څانګو كښې د اربونو ډالرو سرمايه كاري هېواد ته راشي٬ په دې اړه دسمبر مياشت كښې ښه خبرونه رامخې ته كېدې شي۔ د غېر قانوني تاركين وطن ويستلو په اړه د يوې پوښتنې په ځواب كښې ده ووئيل د رجسټرډ افغان كډوالو د ويستلو خبره نه ده شوې۔ په دويمه كېټګري كښې هغه غېر قانوني بهرني وګړي دي كوم چې قانوني دستاوېز نه لري۔ مونږ غواړو چې دوي زمونږ له هېواد څخه بېرته لاړ شي۔ درېمه كېټګري د هغه خلقو ده د كومو چې جعلي دستاوېزات جوړ كړي۔ د داسې كسانو درك هم لګول دي۔ ده باور وركړو چې د پاکستاني نژاد پښتنو په شهري حقونو به هېڅ سودا ونه كړې شي۔ د يوې پوښتنې په ځواب كښې ده ووئيل د عمران د راخوشې كولو پرېكړه به عدالت له كول وي۔ كه عدالت هغه خوشے كړي نو هغه به د سياسي عمل برخه وي۔ د يوې پوښتنې په ځواب كښې ده ووئيل په پاكستان كښې د قانون سازۍ معيار كمزورې دے٬ په قانون سازۍ بايد بشپړه خبرې وكړې شي او دا کمیټیو ته يوړلې شي دغسې چې غوره نتيجې ترلاسه كړې شي۔ ديوې بلې پوښتنې په ځواب كښې ده ووئيل الېكشن كمېشن چې كله هم ټاكنې كوي مونږ به يۍ مرسته كوؤ۔ د يوې بلې پوښتنې په ځواب كښې ده ووئيل د ترهګرو هدف په هېواد كښې اړے ګړے رامخې ته كول وي٬ ټول سياسي مشرتابه لپاره دغه جدي چلېنجونه دي ۔ د فلسطين په اړه د يوې پوښتنې په ځواب ده ووئيل پاکستان تل د كشمير او فلسطيني اولس د آزادۍ تحريك ملاتړ كړے٬ پاكستان به په هر نړيوال پلېټ فارم د فلسطيني اولس ملاتړ روان ساتي۔ ده ووئيل كه د كشمير او فلسطين مسئلې حل نه كړې شوې نو انتها خوښي به راروانو پېړيو كښې هم ختمه نه شي۔ ده ووئيل پاكستان به تل د فلسطيني اولس د دريځ ملاتړ كوي۔ ده ووئيل په كال 1974 كښی په لاهور كښې شوي اولني سرمشريز كنفرنس كښې کشمیر سره سره فلسطين هم يوه مهمه مسئله وه۔ پاكستان تل د فلسطيني اولس ملګرے پاتې شوے۔ پاکستان فلسطینیي اولس لپاره په سفارتي ٬ سياسي او سماجي پلېټ فارمز د خپل ملاتړ پخلے كوي۔ پاكستان به د او آئي سي او ملګرو ملتونو پشمول په هر نړيوال پلېټ فارم د پاكستاني اولس بشپړ ملاتړ دوامداره ساتي۔ ده ووئيل دوه رياستي فارموله د فلسطين مسئلې مناسب حل دے او پخپله فلسطينې اولس هم دا غواړي او دې سره به منځني ختيز كښې استحكام راشي۔ ده د دې خبرې پخلے وكړو چې پاكستان اسرائيل نه تسليموي۔ هندوستان سره د اړيكو په اړه ده ووئيل مونږ د هندوستان پشمول ټولو ګاونډيانو هېوادونو سره ښې اړيكې غواړؤ۔ ده ووئيل هند سره اړيكې د معمول له مخې كولو له پاكستان سره كشمير هم بنيادي فريق دے كوم چې له 70 كلونو راهسې د هند لخوا جبر او تشدد سره مخ دے۔ د يوې بلې پوښتنې په ځواب كښې ده ووئيل هند به پاكستاني مينه والو ته وېزه وركړي٬ ده زياته كړه چې كه دا ايونټ په پاكستان كښې ؤ نو پاكستان به هندي وګړو ته وېزې ضروري جاري كولې۔ ده ووئيل د بده مرغه هند د لوبې په كچه اړيكې د معمول له مخې كولې نه شي نو د تجارتي اړيكو به څه امكان ولرلے شي۔ ده ووئيل د سعودي ولي عهد محمد بن سلمان دورې په اړه سفارتي ذريعې دوه اړخيزه خبرې كوي په يو شمېر منصوبو خبرو روانې دي٬ لوظنامه كولو ته نزدې شوې يوو۔ د مركې په مهال وزيرعظم د خپل نجي ژوند په اړه هم د پوښتنو ځوابونه هم وركړل
د ګورننس سټركچر ٬ سياست او معيشت پشمول په مهمو قامي چارو په ديانتدرۍ قامي خبرو اترو ته ضرورت دے ٬ په ګرانۍ قابو موندلو له وفاق صوبو سره په ګډه ګامونه پورته كوي ٬ نګران وزير اعظم انوار الحق كاكړ
مضمون کا ماخذ : apostas dupla sena
متعلقہ مضامین
