اسلام آباد– 10 – نومبر (اي پي پي) چين جي پيپلز ايسوسيئيشن فار فرينڊشپ ود فارن ڪنٽريز (سي پي اي ايف ايف سي) جي صدر لين سونگ تيان چيو آهي ته چين پاڪستان سان پيشيواراڻي تربيت جي ادارن ۽ ٻنهي ملڪن جي وچ ۾ تعاون جي ذريعي نوجوانن جي مهارت کي بهتر بڻائڻ جي لاءِ ڪم ڪري رهيو آهي، چين انفراسٽرڪچر جي ترقي، صنعتڪاري ۽ نوجوانن جي صلاحيت وڌائڻ جي لاءِ پاڪستان جي مدد ڪندو. اهڙن خيالن جو اظهار هن اسلام آباد ۾ چيني سفارتخاني ۾ پريس ڪانفرنس کي خطاب ڪندي ڪيو. هن چين ۽ پاڪستان جي مثالي دوستي جو ذڪر ڪندي چيو ته چين جي اها ذميواري آهي ته هو واپار کي وڌائي ۽ ان جي بنيادي ڍانچي ۽ ٽيڪنالاجي جي ترقي کي جديد بڻائي پاڪستان کي غربت مان ڪڍي. لين سونگ تيان چيو ته انهن هدفن کي حاصل ڪرڻ جي لاءِ تعليم کانسواءِ فني مهارت بنيادي اهميت رکي ٿي. هن چيو ته سي پي اي ايف ايف سي ٻنهي ملڪن جي وچ ۾ لاڳاپن کي مضبوط بڻائڻ جي لاءِ ماڻهن جي وچ ۾ مٽاسٽا کي وڌائڻ ۾ پنهنجو ڪردار ادا ڪندي. لين سونگ تيان چيو ته آگاهي پيدا ڪرڻ جي لاءِ ميڊيا جو ڪردار اهم آهي، هن ميڊيا تي زور ڏنو ته اها ٻنهي ملڪن جي ترقي ۽ اڳڀرائي کي اجاگر ڪرڻ جي لاءِ پنهنجو ڪردار ادا ڪري. هڪ سوال جي جواب ۾ هن چيو ته بيلٽ اينڊ روڊ انيشي ايٽو گڏيل مستقبل جي عالمي برادري جي تعمير جي لاءِ هڪ وڏو پليٽ فارم آهي ۽ اهو انسانيت جي گڏيل ترقي جي لاءِ هڪ اهم قدم آهي. چين جي پيپلز ايسوسيئيشن فار فرينڊشپ ود فارن ڪنٽريز جي صدر چيو ته سي پيڪ جي پهرين مرحلي ۾ پاڪستان ۾ توانائي جي بحران ۾ گهٽتائي آئي ۽ مواصلاتي ڍانچي ۾ بهتري آئي آهي، ٻئي ملڪ گڏجي ان روايتي دوستي کي وڌائڻ جي لاءِ ڪم ڪري رهيا آهن ته جيئن ان سان عوام فائدو کڻي سگهي. چين جي ڪميونسٽ پارٽي جي 20 هين قومي ڪانگريس جو ذڪر ڪندي هن چيو ته ڪانگريس جي ڪامياب پڄاڻي تي پاڪستان جي وزيراعظم چين جو دورو ڪيو جيڪو ڪنهن به غيرملڪي سربراهه جو پهريون چين جو دورو هو. پنهنجي پاڪستان جي دوري جي حوالي سان هڪ سوال جي جواب ۾ هن چيو ته پاڪستان ۾ سندس شاندار استقبال ڪيو ويو. چيني عوام پاڪستاني ڀائرن ۽ ڀينرن کان تمام گهڻو متاثر آهي، پاڪستان ۽ چين سدائين هڪ ٻئي سان گڏ بيٺل رهيا آهن. هن چيو ته اسان 2008ع جي سرديءَ جي موسم ۾ آيل تباهي آڻيندڙ زلزلي کانپوءِ چين جي لاءِ پاڪستان جي مدد کي ڪڏهن به نه وسارينداسين.
چين انفراسٽرڪچر جي ترقي، صنعتڪاري ۽ نوجوانن جي صلاحيت وڌائڻ جي لاءِ پاڪستان جي مدد ڪندو: لين سونگ تيان
مضمون کا ماخذ : اسلام آباد لاٹری
متعلقہ مضامین
