اسلام آباد – 05 مئي (اي پي پي) نيشنل ڪمانڊ اينڊ آپريشن سينٽر ڪورونا وائرس بابت تازي اپ ڊيٽ جاري ڪري ڇڏي آهي. ملڪ ۾ ڪورونا جي ايڪٽو ڪيسن جو انگ 15233، تصديق ٿيل ڪيسن جو انگ به 21501 تائين پهچي ويو، گذريل 24 ڪلاڪن دوران 1315 نوان ڪيس رپورٽ ٿيا، 24 وڌيڪ فوتگين سان مجموعي فوتگيون 486 ٿي ويون. اين سي او سي موجب پنجاب ۾ ڪورونا وائرس ڪيسن جو انگ سڀ کان وڌيڪ 8103 تائين پهچي ويو، سنڌ ۾ 7882 ڪورونا وائرس ڪيس رپورٽ ٿيا، خيبرپختونخواهه ۾ ڪيسن جو انگ 3288 ۽ اسلام آباد ۾ 464 ٿي ويو، بلوچستان ۾ 1321، گلگت بلتستان ۾ 372 ڪيس رپورٽ ٿيا، آزاد ڪشمير ۾ ڪورونا وائرس ڪيسن جو انگ 71 ٿي ويو. سڄي ملڪ ۾ هيستائين 5782 مريض مڪمل طور تي صحتياب ٿي ويا آهن.
مضمون کا ماخذ : ٹربو چارج
